Идните родители секогаш се грижат за тоа нивното дете да дојде на свет на најубавиот начин, а за мајката што раѓа е исто така важно да и биде пријатно и удобно, што секоја жена навистина и го заслужува.
Раѓањето на детето носи и големи финансиски трошоци, каде и да се породувате. Во државните родилишта породувањето е бесплатно, но сите пропратни трошоци се на ваша сметка. Меѓутоа, одредени болници во странство нудат пакети на вистински луксуз. Породувањето во некои од нив чини помеѓу 9.000 и 20.000 евра.
Иако се чини дека ова е сума што само богатите и славните може да си ја дозволат, познавачите на приликите велат дека оваа пракса е се позачестена и меѓу “обичниот свет“.
Ви ги претставуваме најскапите породилишта во светот, во кои ќе имате чувство дека престојувате во најлуксузните хотели во светот.
“Matilda Hospital” во Хонг Конг/ Цена. 18.000 евра за соба
Приватната болница во Хонг Конг е поскапа отколку хотели со пет ѕвездички. За возврат нуди соби со пространа тераса и поглед на море со сите останати современи бенефити. Закажувањето место во оваа болница е речиси невозможна мисија, бидејќи е потребно да се резервира соба седум месеци однапред. За да се обезбеди место, неопходен е депозит од 20.000 долари за соба.
“Rose Medical Center” во Денвер/ 3.130 евра на ноќ
Сите пациенти во оваа болница добиваат врвна техничка услога бидејќи имаат можност стручни лица да ги надгледуваат 24/7 со помош на паметни телефони. Собата за родилки нуди џакузи, приватен готвач, мини-бар и останати удобности кои потесетуваат на најдобрите хотели со пет ѕвезди.
“Clinique Des Grangettes” во Швајцарија / 1.940 евра за една ноќ
Ова родилиште во Женева ветува професионална и посветена медицинска нега. Просечната цена за природно породување без компликации изнесува над 4.000 долари.
Болницата нуди персонален готвач, услуга што е достапна 24 часа, приватни соби и поглед на огромен парк полн со зеленило.
“Prince of Wales” во Сиднеј / 907 евра на ноќ
Оваа болница е со поглед на море и на одлична локација, па следствено на тоа така и се наплатуваат услугите. Таа обезбедува премиум услуга за родилките и најдобри лекари. На родилките им е понудена лимузина при доаѓањето и напуштањето на болницата. Секако, покрај плаќањето за ноќевање во болницата, трошоците дополнително се наплатуваат над 10.000 долари.
“Lenox Hill” на Менхетен / 2.250 евра за една ноќ
Ова породилиште стана уште попопуларно откако музичката ѕвезда Бјонсе се породи во него. Луксузната градба на Менхетен има стилизиран мебел од махагони, маникир, педикир, масажа и се што ќе ви падне на ум. Ако сакате цел спрат само за себе, тоа ќе ве чини 1.3 милиони долари.
“St. Mary’s Hospital” во Лондон / 13.600 евра за ноќ
Во оваа болница се породуваше и војвотката од Кембриџ, Кејт Мидлтон. Во истото родилиште била и принцезата Дијана. Мидлтон во познатото лондонско родилиште за една ноќ платила 15.000 долари.
Како и во слуачјот со претходните прородилишта, се нуди врвна услуга.
