Пркосните деца предобро ги разбираат своите родители. Динамиката во која таквото дете и родители ќе упаднат, е рецепт за расправија и постојани фрустрации и на едните и на другите.
Со овој едноставен след на три правила, обидете се побрзо да се разберете.
Кога ќе се најдете во ситуација да детето ве изненади со некоја своја реакција или сметате дека треба да интервенирате, важно е да покажете две компоненти во комуникацијата – емпатија и одлучност. За пример ќе земеме дете кое со сила бара сладолед веднаш и тоа пред вечера.
Постапете по овој редослед:
- РАЗБИРАМ – Кога треба да го уверите детето дека не може сега да јаде сладолед, за почеток треба да му покажете дека го разбирате и ја гледате неговата потреба за сладолед. Дури може да забележите дека ја разбирате неговата тага, разочарување, болка и лутина што сега не може да го добие.
- ПОСТАВУВАМ ГРАНИЦА – Потоа треба да му поставите граници и правила, да му објасните зошто не може да јаде сладолед. Бидејќи тогаш нема да може да вечера.
- НУДАМ КОМПРОМИС – За крај, заедно договорете некое компромисно решение, како на пример “Можеш да добиеш сладолед, но откако ќе вечераш“.
