Едно е сигурно, секој пат кога ќе се обидеме да предвидиме нешто, а се однесува на короната, вирусот не мами. Коронавирусот ќе исчезне како што исчезна еболата, во моментот кога ќе ги исцрпи сите мутации и повеќе нема да може да влијае на луѓето, вели вирусологот проф. д-р Ана Глигиќ, за српски „Курир“.
„Коронавирусот мора да исчезне. Ако исчезна еболата, ќе исчезне и оваа чума“, објаснува д-р Глигиќ.
„Едно е сигурно, секој пат кога ќе се обидеме да предвидиме нешто, а се однесува на короната, вирусот не мами, дури и нас кои го знаеме тој вирус долго време. Тој се одржува сега преку разни мутации. Сепак, секако ќе дојде до момент кога тој повеќе нема да може да влијае врз човекот. Короната во еден момент нема да може да го најде својот супстрат и ќе ослаби толку многу што во одреден момент делумно ќе исчезне“, наведува Глигиќ и додава:
„Сигурно ќе има индивидуални случаи. Короната ќе остане во природата, но никогаш во овој облик за да има пандемиска форма“, рече д-р Глигиќ, потсетувајќи дека еболата исчезнала во Африка токму така, па ќе мора и короната.
