Повеќедецениските истражувања покажуваат дека мажите денес имаат дури 50% помалку сперматозоиди и тестостерон отколку пред 40 години. Зошто е така, открива проф. д-р Бранимир Несторовиќ, педијатар пулмолог-алерголог од Универзитетска детска клиника „Тиршова“ во Белград.
„Одговорот доаѓа од многу невообичаено место – една од главните причини се ксеноестрогени, естрогени кои не ги произведува нашето тело, туку се наоѓаат во околината. Долго се веруваше дека ксеноестрогените доаѓаат од говедското месо, но не се пронајдени доволно докази, односно месото не содржи количина на ксеноестрогени што би можела да влијае толку многу.
Всушност, ксеноестрогените се наоѓаат во пластичните маси. Денеска, пластиката стана практично незаменлива – амбалажата е изработена од пластика, предметите се од пластика, се повеќе садови се пластични, дел од облеката е пластична, а природните материјали се се поретки и поретки.
Се покажа како многу интересен податокот дека пластиката содржи некои супстанции кои имаат естрогенски, значи, хормонски својства. Два најпознати примери се бисфенол А и тифталати. И едните и другите имаат исклучителен естрогенски ефект, што кај мажите, освен падот на тестостеронот и намалување на бројот на сперматозоиди, исто така, доведува и до карцином на простата, што е најчест карцином кај мажите.
Кај жените, пак, имаат две негативни особини: предвремен пубертет кај девојчињата и појава на рак на дојка.
Проблемот сега стана уште поголем затоа што не е проблем само пиењето на вода од пластика, туку пластиката се фрла и со оглед на тоа што се наоѓа во земјата, истото го ослободува во водата за пиење.
Изложеноста е особено важна кај децата во утробата на мајката. Имено, се покажа дека мажите кои денес се раѓаат имаат многу ниска активност на тестостерон, бидејќи мајките се изложени на естрогенот од пластика, што влијае на фетусот во утробата.
Пластиката денеска стана практично незаменлива. Нејзината прекумерна употреба има две негативни особини: предвремен пубертет кај девојчињата и појава на рак на дојка, додека кај мажите, освен падот на тестостеронот и намалување на бројот на сперматозоиди, исто така, доведува и до карцином на простата
Пластиката би требало да ја одбегнувате во каков било облик, буквално во секаков облик, секогаш кога можете. Невозможно е потполно да се избегне, но имаме алтернативи.
Единствен проблем е тоа што индустријата тешко ќе ја напушти пластиката. Таа е неверојатно евтина и неверојатно лесна за обработка, се друго што е природен материјал е многу поскапо.
Треба да се внимава ако може да се избегне примената на пластиката, секаде каде што може тоа да се направи. Некаде тоа не е можно – постојат производи што не се пакуваат во ништо друго освен во пластика, но треба да внимаваме и да ја сведеме употребата на пластиката на минимум“, истакнал познатиот детски пулмолог-алерголог во неодамнешната емисија „Здраво со професор Несторовиќ“.
