Ако се борите со обиди за успивање на детето, не сте единствени. Според истражувањата, речиси една четвртина од испитаните родители велат дека нивните деца имаат проблеми со спиењето, односно успивањето без доење или имаат проблем со будење повеќе пати во текот на ноќта. Како да се успие бебето и што погрешно прават, се прашуваат бројни родители.
- Како да се успие бебето без доење?
Треба ли мајките да очекуваат дека бебе од неколку месеци ќе спие цела ноќ без доење? Баш и не, велат стручњаците.
“Се чини дека доењето е дел од планот на природата за смирување и успивање на доенчето. Всушност, млекото содржи протеин што поттикнува на сон и му помага на бебето да заспие. Доенчињата исто така многу брзо заспиваат и кога се хранат со шише”, вели педијатарот д-р Вилијам Сирс.
И многу мајки се увериле дека ова е наједноставниот и најефективниот метод за заспивање, иако пожелно е да не биде единствениот. И кога ќе престанете да доите или да користите формула за доенчиња, шолја топло млеко може да остане ритуал пред спиење низ детството, па дури и во возрасниот период.
“На бебињата им треба мајчино млеко во текот на ноќта за да не бидат гладни. Тие имаат мали стомачиња и во еден подој воо нив не ја собира потребната количина млеко што би го заситило бебето за цела ноќ“, вели Ива Брчиќ, експерт за детски развој.
Навистина не можеме да се очекува едномесечно или тримесечно бебе да спие цела ноќ. Но, она што ќе му помогне да спие подолго и да се буди поретко е попладнето мајката да понуди дополнителни подои за да му помогне на бебето да обезбеди дополнителни калории“, објаснува таа.
- Како да се успие бебе без држење во раце?
Да се постигне мало бебе од неколку месеци мирно да преспие цела ноќ без будње, не е така едноставно. Кога ќе се помирите со фактот дека најверојатно ќе се будите во текот на ноќта поради поди, ви донесуваме дополнителни совети како полесно и побрзо да го успиете бебето.
Правило број 1 е: Бебињата сакаат рутина бидејќи им дава чувство на сигурност. Многу е важно да се држите до рутината и да бидете доследни, но она што е исклучително важно е воведувањето на правилна рутина и време за легнување. Тоа значи дека нема телевизор, компјутер или паметен телефон час или два пред спиење. Тие го попречуваат производството на мелатонин, како за возрасни, така и за бебињата.
Рутините за бебето треба да опфаќаат:
Придушување на светлина
Намалување на звуците
Пуштање релаксирачка музика за бебе (бели звуци)
Помирна игра
Капење
Масажа на бебето
Кусо држење во раце
Доење
Контакт и галење, за бебето да ја почувствува родителската љубов и топлина
