Првиот ден во прво одделение во основно училиште е голема пресвртница за детето, а за родителите можеби и уште поголема. Тие се потполно свесни за важноста на тој ден, додека децата се се уште премногу мали за да го доживеат настанот во сета своја величина.
Британски „Мирор“ направи истражување за тоа што би сакале родителите да знаат пред нивното дете да тргне на училиште, а листата може да биде многу корисна за сите родители кои тоа ги очекува или штотуку зачекоруваат во новата учебна година со своите малечки.
Спакувајте марамчиња
Една од најчестите грешки, според родителите, била тоа што заборавиле да понесат марамчиња кога го носеле своето дете на училиште првите неколку пати. Повеќето од децата трчаат напред без да гледаат назад, а родителите остануваат збунети и изгубени, но и со насолзени очи.
Користење на тоалет надвор од вашиот дом
Друг проблем за кој многумина предупредија е тоа што заборавиле да го научат своето дете да користи тоалет надвор од нивниот дом. Училиштето е сè уште непознато место за првачињата, па користењето на училишниот тоалет може да им предизвика непријатност и збунетост. Една мајка рекла дека нејзината ќерка никогаш не била во училишниот тоалет и дека била нервозна поради тоа, па нејзината пријателка ѝ била придружба, поради што другите деца ја задевале.
Стекнете нови пријатели
Многу родители рекле дека не само што е важно нивните деца да стекнуваат нови пријатели, туку клучно е и родителите да се обидат да создадат нови пријателства меѓу другите родители на првачињата.
Немојте да си создавате непотребен притисок околу училишните оброци
Повеќето родители мака мачат што да направат за училишниот оброк на нивните деца. Главната грижа е како да се осигура дека тој е здрав и хранлив секој ден, но тие се плашат и од осудата на другите родители. Искусните мајки тврдат дека сите треба да се опуштат и да сфатат дека иако исхраната е важна, повремената ќесичка со чипс не е крај на светот.
Една мајка истакнала: „Посакувам да се вратам на првиот училишен ден на моето дете и да си кажам на себе да престанам да се оптеретувам, да најдам систем кој ми одговара, но и дека сè не мора да биде ни приближно толку тешко како што замислувам“.
Дозволете му на детето да ги поноси новите чевли пред да тргне на училиште
Ако му подготвите нов пар чевли на вашето дете за првиот училишен ден, може да добие плускавци. Речиси никој не размислува за ова однапред, а искусните мајки тврдат дека тоа е исклучително важно. Децата ќе сакаат да трчаат низ игралиштето и важно е да им биде удобно. Друг добар совет за чевлите е во прво одделение е тие се уште да имаат лепенки, а не врвки.
