Детето надвор од семејниот круг може да започне да се однесува на истиот начин на кој сте го научиле дома, бакнувајќи ги другите деца или возрасни во устата
Експертите често истакнуваат дека децата треба да се чувствуваат сакано и безбедно во семејна средина, но бакнежот во уста можеби и не е најдобриот начин за изразување на родителската љубов.
Многумина силно се спротивставуваат на овој начин на изразување љубов, а психологот Шарлот Резник објаснува зошто тоа всушност не е добро.
Не е хигиенски
Лекарите, а особено стоматолозите предупредуваат дека во нашата уста има огромен број на бактерии.
Меѓутоа, овие бактерии можеби нема да ги заразат возрасните, но можат да се пренесат на децата и да им наштетат. Бидејќи детето има послаб имунолошки систем, преку плунката во неговата уста може да навлезат и некои опасни инфекции, објаснува таа.
Детето може да започне да се бакнува и со други луѓе во устата
Детето надвор од семејниот круг може да започне да се однесува на истиот начин на кој сте го научиле дома, бакнувајќи ги другите деца или возрасни во устата.
Психологот истакнува дека децата ги усвојуваат работите имитирајќи ги. Затоа, тие би можеле да се обидат да ја повторат истата работа и со другите, не разбирајќи ги интимните импликации од таквиот бакнеж.
Ова се само некои од причините зошто таа препорачува детето да се бакнува само во образот или челото, пренесува „Bright Side“.
