Во повеќето случаи, мајките се тие кои поминуваат повеќе време со своите деца отколку татковците. Меѓутоа, ова не значи дека овие мажи се лоши татковци, но некои нивни други однесувања кон нивните сопруги и деца може да бидат проблематични и да покажат дека тој е токсичен.
Еве кои седум особини покажуваат дека мажот е токсичен татко и партнер, според зборовите на детскиот и семеен психолог Марија Шаталова.
- Не учествува во воспитувањето на децата
Неговата главна теза е дека работи и заработува, а работа на жената е да се грижи за куќата и семејството. Во некои случаи, ваквото однесување може да биде толку екстремно што жените не можат да ги остават своите деца ни час или два со таткото, за да завршат нешто надвор од дома, бидејќи тој смета дека тоа не е негова обврска.
- Бара извештај за секој потрошен динар
Многу жени се финансиски зависни од своите партнери, и иако тоа не е проблем во многу домови, некои мажи го користат како начин да ги контролираат своите партнерки. Токсичните партнери и татковци едвај даваат пари за пелени, храна и основни потреби, броејќи го секој динар и ја обвинуваат сопругата за расфрлање пари.
- Не ги исполнува своите ветувања
Сите знаеме како е кога ќе се случат непредвидени околности, бројни обврски и слично, а ветувањето не успеваме да го исполниме и покрај нашата искрена желба. Но, во таа ситуација фер и отворено е да се каже тоа и да се одложи исполнувањето на ветеното за друг пат. Од друга страна, ако мажот никогаш не ги исполнува ветувањата што ги дава на партнерката или децата, тоа укажува само на едно – дека е недоверлив и дека не можете да се потпрете на него.
- Секогаш ги обвинува другите
Тој никогаш нема да признае дека згрешил, дури и кога тоа е повеќе од очигледно. Колку повеќе греши, толку е поагресивен во своја одбрана и ги обвинува другите. Овој тип на токсични мажи едноставно не можат да преземат одговорност за своите постапки.
- Себичен е и мисли само на своите потреби
Раѓањето на детето многу менува во динамиката на семејството, па новите родители имаат помалку време за спиење, под стрес се, имаат поголеми трошоци, а трпи и нивниот интимен живот. Меѓутоа, пар во кој има меѓусебно разбирање заедно ќе ги реши овие проблеми. За разлика од нив, постојат токсични мажи кои се грижат само за сопствените потреби и не ни размислуваат колку е тешка целата ситуација за жената.
На токсичниот маж му е важно квалитетот на живот да му остане ист и по раѓањето на детето, па на пример ќе се пресели во друга соба за да не мора да се буди ноќе за бебето, ќе се враќа дома од работа се подоцна и подоцна за да не преземе обврски кон детето.
- Се разведува и од детето, не само од сопругата
Разводот никогаш не е пријатно искуство, особено кога партнерите имаат деца заедно. Меѓутоа, постои еден токсичен тип на мажи кои при разводот не само што се одвојуваат од партнерот, туку и од своето дете, а исто така ги прекинуваат и сите контакти со него.
- Казнува со молчење и игнорирање
Постои и нешто што се нарекува емоционално злоставување, што меѓу другото може да значи и дека личноста престанува да разговара со „жртвата“ без никакво објаснување. Токсичните мажи оваа тактика можат да ја користат на својата партнерка, но и на своите деца. Децата тогаш не разбираат зошто тато е лут и не сака да разговара со нив, а за нив тоа е трауматично искуство.
