Желбата на секој родител е да одгледа среќно и успешно дете кое ќе биде задоволно со сопствените постигнувања, но и кое секогаш ќе знае најдобро да го искористи својот потенцијал. Иако тоа не е секогаш лесно, психологот Микеле Борба открива дека е можно уште од најрана доба да се препознае дали детето еден ден ќе биде успешно или не.
Како што објаснува за CNBC, една карактеристика го издвојува успешното дете од неговите врсници, а се работи за упорноста. Оваа особина му помага на детето да продолжи кога сè друго укажува на откажување. Имено, грешките можат да го спречат детето да успее во одредена намера или идеја, а доколку не се откаже без разлика на поразот, тоа е еден од јасните знаци дека ќе биде успешно.
За разлика од неговите врсници, успешното дете никогаш нема да се откаже, туку ќе се потруди следниот пат да не ја направи истата грешка бидејќи знае кои се последиците
Психологот тврди дека секое успешно дете многу добро знае дека грешките и поразите се составен дел од животот, па затоа ги советува родителите да го научат своето дете дека од грешките најмногу се учи. Детето кое не е склоно да се откажува, туку е упорно, секогаш ќе знае како да го реши проблемот пред себе, а токму тоа придонесува за развој на успехот.
За разлика од неговите врсници, успешното дете никогаш нема да се откаже, туку ќе се потруди следниот пат да не ја направи истата грешка бидејќи знае кои се последиците, додава психологот.
