Анксионоста кај децата и тинејџерите може да биде предизвик за нив и за нивните родители. Сепак, постојат ефективни начини да им помогнете да се чувствуваат посмирено и посигурно. Психологот и терапевт Џефри Бернштајн споделува три едноставни и корисни начини за намалување на анксиозноста кај децата што секој родител може да ги примени.
- Не го етикетирајте вашето дете како „анксиозно“
„Ако им ја дадете оваа етикета на децата или тинејџерите, тие ќе се поистоветат со неа. Наместо тоа, сменете ја вашата перспектива во „моето дете е склоно кон анксиозност и ние работиме на тоа“. Ова ќе ви помогне да ја намалите сопствената анксиозност и да го моделирате однесувањето што вашите деца можат да го следат“, објаснува психологот за „Psychology Today“.
- Охрабрете го длабокото дишење
„Размислете за тоа колку е невозможно истовремено да се биде и загрижен и опуштен. Погрижете се да користите абдоминално, наместо плитко дишење“, советува Бернштајн.
- Обрнете внимание на ирационалното размислување
Важно е да се внимава на изјавите како: „Мојата иднина е уништена“, „Никогаш никому нема да му се допаднам“, „Никој никогаш не ме сфаќа сериозно“ и слично. „Помогнете им на децата да препознаат како таквото преувеличување доведува до зголемување на анксиозноста. Се разбира, приспособете го нивото на објаснување на возраста на детето – со помалите деца користете визуелни примери како чашата е полупразна/полуполна“, истакнува Бернштајн.
За упорна и посериозна анксиозност, Бернштајн препорачува да се посети квалификуван здравствен работник.
