Носењето заштита на лицето (маска) за време на пандемијата со новиот коронавирус на почетокот беше по желба, опционо, а сега е задолжително во затворен простор. Но, сепак постојат луѓе кои одбиваат да стават заштитна маска.
Во земјава, повеќе од еден месец ваквото неносење заштитна опрема повлекува последица во вид на парична казна. Но, зошто луѓето не сакаат да стават заштита на лицето која ја намалува шансата за зараза?
“Луѓето имаат силен вроден инстикт за преживување кој е хиперстимулиран кога ќе почувствуваат изненадна закана од непознат непријател. Таа во нас буди силен и моќен налет на емоции кои во целост може да го ‘прегазат’ вообичаеното рационално размислување“, вели Дејвид Ејбрамс, психолог на Универзитетот во Њујорк.
“Инстиктот ‘бори се или бегај’ се одразува и на телото, и стануваме почувствителни и поподготвени да изреагираме на закана. Инстиктот за борба понекогаш ќе биде погрешно насочен, а нашиот став ќе биде поблизу до подготвеноста на конфликт“, објаснува психологот.
Треба да разликуваме кои се вистинските психолошки причини, а што однесувања и рационализации кои луѓето ги користат за да објаснат зошто не сакаат да носат маски.
Според психолозите, ова се петте најчести причини:
- Толку нешта сега се неизвесни, се чувствувам како да имам контрола ако одберам да не ставам маска
Во моменти на неизвесност, секоја видливост на ‘контрола’ над ситуацијата е нешто за кое ќе се “фатат“ луѓето.
- Носи маска, немој да носиш маска, не знам веќе во што да верувам
Коронавирусот во целиот свет донесе неизвесност и често луѓето “измешаните“ пораки и препораки кои ги добиваат одговараат едноставно со спротиставување. одбивање.
- Немам доволно години за да добијам КОВИД-19
Познато е дека не постои старосна граница за заразување со новиот коронавирус. Ова едноставно е ризично однесување.
- Нема да ставам, оти не сакам некој да ми наредува што да правам
Заштитната маска не е наредба, туку начин да се заштитите себе си и своите најблиски.
- Изгледам смешно со маска
Ова е неверојатно честа причина. Психолозите велат дека на овој начин многу почесто “ се извлекуваат“ мажите отколку жените. Но, мажите се почесто и посериозно погодени од заразата.
