Иако извинувањето кога ќе направиме грешка или ќе направиме нешто што може да му наштети на друго лице е многу пожелно, кога се во прашање малите деца, ситуацијата е нешто поинаква. Психолозите објаснуваат дека родителите често го принудуваат своето дете да се извини некому, без разлика што тоа не сака да го направи. Тоа, нагласуваат, е една од најголемите грешки што можат да ја направат, а еве зошто.
Таквото однесување никогаш не ги дава посакуваните резултати. Површното „извини“, особено кога се кажува против негова волја, не му помага на детето да ја разбере ситуацијата или последиците од неговото однесување.
Дополнително, убедувањето на детето да им се извини на другите кога тоа не сака, нема да доведе до посакуваниот исход, а тоа е првенствено сочувство и емпатија.
Психолозите советуваат, наместо тоа, на детето да му се укаже на тоа дека направило нешто лошо за што треба да се извини, но и повеќе да не го повторува таквото однесување. Само така детето ќе ги сфати последиците од неговото однесување, а неговото извинување тогаш ќе има смисла.
