Зборовите може да повредат повеќе од било што друго, а особено може да бидат лошо протолкувани доколку им се упатени на децата. Родителите некои фрази никако не смеат да ги користат. Со овие реченици само ќе му ја нарушите самодовербата на детето, и ќе порасне во несигурна личност. Дури и кога се кажани во шега, тие можат да направат сериозни проблеми во текот на растењето.
Следниот пат убаво размислете пред да ги изговорите овие реченици:
- Премногу бурно реагираш
Без оглед колку сте сигурно дека однеувањето на вашето дете е драматично, не треба тоа така да го етикетирате. Кога детето се обидува да ги изрази своите чувства, многу често не знае како тоа да го направи, опа неговата реакција може да изгледа премногу бурна. Гледајќи ги своите родители децата учат да управуваат со своите емоции. Ако децата растат во окружување кое нивните чувства ги смета за неважни, ќе имаат пониско чувство на сопствената вредност.
- Не го мислиш тоа што го кажа
Дури и ако детет ви каже реченица од типот “не те сакам“ или уште полошо “те мразам“, важно е да не ги отфрлате неговите чувства. Најлошата работа која можете да му ја кажете на детето во тие ситуации е дека не го мисли тоа што кажало. Задача на родителот е да ги уважи емоциите на детето, фури и кога не се согласува со нив.
- Зошто не може да бидеш малку повеќе како брат ти/сестра ти
Ривалството помеѓу браќата и сестрите често е несвесно поттиканото од делувањето на родителите. Постојаното истакнување на позитивните страни на едното дете наспроти негативното однесување на другото, може да доведе до ривалство, па дури и омраза меѓу браќата и сестрите.
- Тоа што го правиш е глупаво
Толку наивна фраза, а толку штетна по детската психа. Децата се склони да поверуваат на се што ќе им кажат родителите, па истото е и во овој случај. Ако на детето му повторувате дека е глупаво или дека некоја негова постапка е глупава, тоа ќе ви поверува и ќе расте со убедување дека секогаш греши.
