Псоријазата е хронично заболување чии симптоми може да се појават каде било на телото, пишува „Kids Health“. Сепак, најчесто промените се случуваат на скалпот, колената, лактите и други места. Иако многу луѓе мислат дека псоријазата е болест на возрасните, не е невообичаено да се појави веќе во детството. Но, како да ја препознаете?
Иако симптомите на оваа болест се разликуваат од дете до дете, најчесто се работи за лушпи и црвените дамки на кожата, кои претежно се придружени со интензивно чешање. Покрај споменатите промени на кожата, псоријазата исто така се јавува и на ноктите на детето, предупредуваат дерматолозите.
Промените најчесто се случуваат на скалпот, колената, лактите
Најчесто станува збор за промени на плочката на ноктите во вид на мали точкести вдлабнатини, белузлави обојувања на ноктот или негово распаѓање. Ако се работи за псоријаза, зафатени се сите нокти, па затоа е прилично лесно да се забележи веднаш штом ќе се појави. Понекогаш се појавуваат и поголеми вдлабнатини на ноктите, познати како линиите на Бо.
Како што нагласуваат експертите, иако се уште не постои прав лек за псоријаза, постојат одредени третмани и препарати кои ги ублажуваат непријатните симптоми и барем делумно им го олеснуваат секојдневието на луѓето кои боледуваат од неа.
