Мајчинството некому му оди лесно и природно, некому потешко, но никој не е без грешки. Но, постојат грешки за кои ќе се каете и оние за кои уште повеќе ќе се каете. А за да не си ја удирате главата поради вашите грешки по неколку месеци или години, обидете се да ги избегнете.
Еве што треба да избегнувате да правите кога ќе се роди вашето бебе:
- Да престанете да ги следите вашите инстинкти
Секој го нуди своето мислење, од искусен роднина до непозната госпоѓа во продавница. Тука е и интернетот. Сите тие, ви се чини, знаат подобро од вас, но вашиот инстинкт ве влече во сосема друга насока. Слушајте го!
Луѓето секогаш сакаат да мислат дека се попаметни затоа што веќе поминале низ нешто и дека го собрале целото знаење на светот. Иако понекогаш е тешко да ги стишате сите тие совети и врева околу вас, обидете се да го следите своето срце.
- Да го игнорирате вашето бебе
Еден од честите „совети“ е да не го разгалите вашето бебе. Не скокај на секое негово плачење. Не си нормална колку ја држиш во раце!
Но…погодете што?! Тоа е ваше бебе, не нивно. А плачењето е уште еден начин на комуникација, а не знак што треба да се игнорира. Значи, кога вашето бебе плаче, тоа сака да нешто да ви каже и слушајте ги знаците што ги испраќа.
- Да си го занемарите здравјето
Имате толку многу да направите што сте на дното на вашата листа на приоритети и обврски. Ништо не може да чека, само вие можете, без разлика дали се работи за превентивен преглед или вашето тело сигнализира дека нешто не е во ред. Помислете трипати колку е мудро да се игнорирате себеси. Затоа што ако вие не можете да функционирате, нема да можете добро да се грижите ниту за вашето бебе.
- Да чувствувате вина ако направите нешто за себе
Прашајте која било мајка и повеќето од нив ќе ви кажат дека се чувствуваат себични ако направат нешто за себе, ако се почестат со слободен ден, излегување или нова гардероба.
Мора да сфатите дека да се биде мајка не значи да згазнете на сопствената среќа и да се ставате себеси на последно место. Понекогаш е во ред да продолжите понатаму, да се забавувате и да одморите.
