Многу горди родители мислат дека нивното дете е супернапредно или барем дека напредува побрзо, односно дека е попаметно и поталентирано од другите деца. Меѓутоа, повеќето деца се „вундеркид“, генијалци и идни добитници на Нобелова награда, единствено во очите на нивните родители. Но, се разбира, секогаш постојат исклучоци, постојат навистина натпросечно надарени и интелигентни деца.
Дали и вашето дете е меѓу нив?
Според МЕНСА, овие шест знаци упатуваат на тоа:
-
Детето знае многу рано да чита
Дали вашето дете почна да чита веќе на возраст од четири години? Децата кои се интересираат за книги на рана возраст, по правило имаат повисок коефициент на интелигенција (IQ). Повеќето деца почнуваат да читаат околу шестата година.
-
Музикално е
Без разлика дали станува збор за гитара, виолина, флејта, тапани или едноставна склоност кон пеење – детето кое покажува афинитет спрема музика и свирење обично е многу интелигентно.
-
Има добра меморија
Дали вашето дете памти се и ви зборува за работи што се случиле пред неколку недели или месеци? Тоа е добро! Значи дека има добра меморија – и висок IQ.
-
Љубопитно е
Според „Harvard Business Review“, љубопитноста е исто толку важна колку и интелигенцијата. Децата кои многу прашуваат сакаат да научат многу и често имаат повисок IQ од другите деца.
-
Има смисла за хумор
Вашето дете постојано прави некои шеги? Ако ова понекогаш ви оди на нерви – смирете се и оставете го нека се забавува. МЕНСА тврди дека добра порција хумор е знак за висок IQ.
-
Радо сака да зборува – па и со возрасни
Вашето дете не се повлекува и радо разговара дури и со возрасни? Тоа е добро и е исто така еден од знаците за висока интелигенција.
