Неодамнешното истражување ја објаснува разликата помеѓу стоење или седење додека го држите бебето и зошто раното родителство е како „игра“ на постојана упорност и работа, многу повеќе отколку онаа во која мирно седите и се галите со бебето.
Анализите на варијабилноста на отчукувањата на срцето покажаа дека намалувањето на бројот на отчукувања на срцето е значително поголемо за време на носењето отколку само за време на држењето во седечка положба
Се чини дека новородените бебиња мразат кога седите, а тоа го докажуваат секојдневно со тоа што ги „тераат“ родителите да стојат или да шетаат нагоре – надолу за да ги смират. Но зошто?
„Смирувачката реакција на бебето кога го носи мајката е координиран сет на централни, моторни и срцеви „одредби“, сметаат авторите на студијата, објавена во списанието „Current Biology“. Тие заклучиле дека бебињата на возраст под шест месеци, кога мајките ги носат во стоечка положба, веднаш застануваат со „големи“ движења и плачење и покажуваат брз пад на отчукувањата на срцето. Иако стоењето и држењето на бебето во рацете може да биде исцрпувачко за родителите, тоа може да биде еден вид еволутивен благодет.
Бебињата се среќни кога ги држите во раце додека стоите и одите
За новото истражување, научниците направиле ЕКГ на 12 здрави бебиња и побарале од нивните мајки да ги стават во креветче, да ги држат во раце додека седат и да ги носат шетајќи низ собата 30 секунди. Резултатите го потврдиле она што повеќето родители веќе го знаат – бебињата се среќни кога стоите и одите, негодуваат кога седите и очајни се кога ќе ги ставите во креветче. Покрај тоа, истражувачите следеле и како се забавува брзината на отчукувањата на срцето кај бебето и како отчукувањата на срцето на бебето стануваат порелаксирани кога мајките стоеле.
„Анализите на варијабилноста на отчукувањата на срцето покажаа дека намалувањето на бројот на отчукувања на срцето е значително поголемо за време на носењето отколку само за време на држењето во седечка положба“, пишуваат авторите, додавајќи дека податоците сугерираат дека бебињата се поопуштени за време на носењето отколку за време на држењето, според нивното однесување, но и физиолошки.
