Потребно:
- 1,5 кг свински ребра (едно големо парче)
За маринада
- 2 полни лажици сенф
- 1 лажица мешан сув зачин
- 1 лажичка лук во прав
- 1 лажичка бибер
- 1 лажичка мелен црвен пипер
- сол по вкус
- 2 лажици балсамико оцет
За премачкување
- 3-5 лажици кечап
- 1 лажичка оригано
- 1 лажичка маслиново масло
Подготовка: Сите состојки за маринадата се промешуваат и со неа се премачкуваат ребрата. Се виткаат во алуминиумска фолија (претходно намастена) и се оставаат да отстојат неколку часа во фрижидер. Најдобро е да се маринираат одвечер. По неколку часа или следниот ден, рерната се загрева на 200 степени. Ребрата се оставаат во фолијата да се печат 40 минути, по што се намалува температурата на 150 и се оставаат да се печат уште 2 часа. Потоа, полека се отстранува алуминиумската фолија, ребрата се премачкуваат со смесата и со отворена фолија се запечуваат уште 10-15 минути, за да поруменат. При последното печење, температурата на рерната зголемете ја на 220 степени.
