Потребно:
- 2 големи зрели банани
- 100 г шеќер
- 80 г омекнат путер
- 2 јајца
- 160 г брашно
- 1 лажичка прашок за печиво
- ½ лажичка сода бикарбона
- Прстофат сол
- 1 ванилин шеќер
- 2 лажици млеко
- 40 г мелени семки од афион (мак)
Подготовка: Загрејте ја рерната на 175 °C и обложете плех за печење со хартија за печење или намастете го со путер и наросете го со брашно. Изгмечете ги бананите со вилушка во пире. Изматете го путерот и шеќерот, додадете ги јајцата и добро измешајте, потоа додадете го пирето од банана, ванилиниот шеќер и млекото. Во друг сад, измешајте го брашното, прашокот за печиво, содата, солта и семките од афион. Додадете ги сувите состојки во влажните состојки и мешајте нежно – само додека сè не се соедини. Истурете ја смесата во плехот и израмнете ја површината. Печете 50-60 минути, додека чепкалка за заби забодена во центарот не излезе чиста. Оставете да се олади во плехот 10 минути, потоа извадете ја и оставете ја целосно да се олади на решетка. Добар апетит!
