Потребно:
- 1 главица кромид
- 1 стебленце праз
- 1 стебленце целер
- 1 морков
- 2 чешниња лук
- 1 зелена чили пиперка
- 200 гр мелено месо
- Сол по вкус
- Црн пипер по вкус
- Мелен црвен пипер по вкус
- 3 компири
- 2 литри топла вода
- 1 јајце
- 100 мл крем за готвење
- 1 лажица брашно
Подготовка: Кромидот исчекајте го и пропржете го на малку масло на средна топлина. Исечкајте го празот и додадете го во тавата. Потоа додадете го и исечканиот целер и се заедно оставете да динствува 4-5 минути. Добро измешајте, па додадете го изренданиот морков. Промешајте го зеленчукот, покријте и оставете да се крчка околу 5 минути на средна температура. Лукот и зелената чили пиперка исечкајте ги, па додајте ги заедно со меленото месо во динствуваниот зеленчук. Додадете сол, бибер и мелен пипер по вкус, промешајте, па оставете да врие уште 10 минути. Компирите исечкајте ги на коцки, додадете ги во меленото месо и зеленчукот, па прелијте со жешката вода. Промешајте ја чорбата и варете околу 15 минути. Во чинија изматете ги јајцето, кремот за готвење и брашното, па додадете ги во чорбата мешајќи. Оставете да се крчка околу 10 минути. По желба наросете магдонос или копар. Промешајте и послужете. Добар апетит!
