Потребно:
Мерка – шолја од 200мл
- 2 јајца
- 1 шолја шеќер
- 1 шолја млеко
- ½ шолја зејтин
- 2 шолји брашно
- 1 прашок за печиво
- 1 ванилин шеќер
- 3 јаболки
- Цимет
Подготовка: Излупете ги јаболките и исечете ги на потенки резанки. Тавчето за печење обложете го со хартија за печење и наредете ги јаболките и наросете ги со цимет. Во сад, пенасто изматете ги јајцата, шеќерот и ванилиниот шеќер. Постапно, мешајќи со миксер додавајте го зејтинот. Потоа на истиот принцип додадете го млекото, па брашното ( претходно тука додадете го прашокот за печиво). Бисквитот, односно смесата прелијте ја врз јаболките и ставете да се пече во рерна на 180 степени, 30 минути. Добар апетит!
