Потребно:
- 1л млеко + малку млеко за топење на бисквитите
- 10 лажици шеќер
- 8 лажици брашно
- 6 лажици гриз
- 1/2 путер
- 100гр бело чоколадо
- 750гр бисквити
- 200мл слатка павлака
- 200гр црно чоколадо
- 1 лажичка рум
Подготовка: Во тенџере ставете го млекото, шеќерот, брашното, гризот и варете на тивок оган, мешајќи цело време за да се разбијат грутките. Потоа додадете го омекнатиот, на коцки исечен путерот. Продолжете да мешате на рингла. Потоа во филот додадете го белото чоколадо и мешајте додека не се стопи. Филот ставете го настрана да се олади. Подгответе сад во кој ќе ги редите бисквитите и филот. Во ѓезве загејте малку млеко со румот. Секоја бисквита потопете ја во млекото па наредете ја во садот. Со бисквитите покријте го дното на садот. Премачкајте со филот. Водете сметка филот да го распоредите на четири дела. Потоа повторете ја постапката и така додека не ги потрошите намирниците. Во загрената слатка павлака растопете го црното чоколадо, па со глазурата прелијте го колачот и оставете убаво да се олади во фрижидер.
