Потребно:
Напомена: Во преливот можете да додадете и една или две лажици млеко ако смесата е премногу густа и има грутки.
За тестото:
- 3 јајца
- 130 гр омекнат путер
- 120 мл млеко
- 230 гр брашно
- 120 гр шеќер
- 1 ванилин шеќер
- 1 ½ лажичка прашок за печиво
- 1 прстофат сол
За преливот:
- 50 гр кафеав шеќер
- 50 гр стопен путер
- 2 лажици брашно
- 1 лажица цимет
Подготовка: Во сад измешајте ги јајцата, шеќерот и ванилиниот шеќер. Измиксирајте па додадете го омекнатиот путер и повторно измиксирајте. Додадете го млекото и повторно измешајте, а потоа просејте го брашното и прашокот за печиво за да не се формираат грутки. Посолете и добро измешајте. За преливот со цимет, добро измешајте ги сите состојки – прво растопете го путерот, па додадете ги кафеавиот шеќер, брашното и циметот, а по потреба и малку млеко. Во долгнавеста тава за леб ставете хартија за печење и прво излијте 2/3 од смесата за колачот. Потоа со лажица намачкајте го филот со цимет и додадете го остатокот од смесата. Малку промешајте со шпатулата за да се распореди филот низ колачот. Печете 40 до 50 минути во рерна загреана на 180 степени. Изладениот колач посипете ја со шеќер во прав по желба. Добар апетит!
