Потребно:
- Неколку кори за лазањи
- 200гр шунка
- 200гр сув врат
- 150гр листови кашкавал
- 200гр кисела павлака
- Малку кечап
- 1 јајце
- Рендан кашкавал
Подготовка: Корите за лазањи обарете ги во вода 4-5 минути. Обарените кори ставете ги во студена вода, па на крпа за да впијат водата. Измешајте ја павлаката со јајцето. На листот лазања премачкајте од павлаката, па ставете шунка. Врз неа пак ставете од павлката, па ставете од сувиот врат и кашкавалот во листови. Премачкајте пак со павлаката, додадете малку кечап и свиткајте во ролничка. Редете во подмачкано тавче. Со остатокот од павлаката премачкајте ги одозгора сите ролнички. Ставете го ренданиот кашкавал одозгора. Печете на 200 степени, околу половина час.
