Потребно:
- 350гр брашно
- 125гр путер
- 1 јајце
- 1 шолја рендано сирење
- 100гр фета сирење
- 3 лажици јогурт
- 1 прашок за печиво
- 1 лажичка сол
За премачкување:
- 1 жолчка
- Малку масло
- Сусам или ким по желба
Подготовка: Измешајте го путерот претходно оставен на собна температура со вилушка, додадете го сирењето и се заедно соединете. Додадете ги сите други состојки, освен брашното. Во смесата полека измешајте го брашното во кое сте го додале прашокот за печиво. Од тестото направете топчиња, ставете ги во тавче обложено со хартија за печење, премачкајте ги со изматена жолчка и малку масло и посипете ги со сусам или ким. Печете ги во загреана рерна на 200 степени околу 25 минути. Добар апетит!
