Потребно:
- 2 тиквици
- 100гр брашно
- Сол
- Зачини по вкус
- Масло за пржење
Подготовка: Тиквиците убаво измијте ги и исечете ги на тенки кругови. Малку посолете ги и оставете ги да отстојат 20 минути. Исцедете ги и една по една валкајте ги во брашно во кое сте ги додале саканите зачини. Во тенџере ставете студена вода, а потоа секоја тиквичка натопете на кратко во водата и ставете ја да се пржи во врелото масло. Тиквичките се пржат многу брзо. По вадењето од масло, оставете ги тиквичките да се исцедат од вишокот масло на хартиена салфета.
