Потребно:
За кората:
- 240гр какао бисквити
- 100 гр путер
За полнење:
- 325гр чоколадо
- 675гр крем сирење
- 220гр слатка павлака
- 2 лажици какао во прав
- 1 лажичка екстракт од ванила
- 250 гр шеќер
- 4 јајца
- 1/4 лажичка сол
За глазурата:
- 150гр чоколадо
- 160мл слатка павлака
- 15гр путер
Подготовка: Иситенете ги бисквитите во блендер, а потоа измешајте ги со стопениот путер и повторно изблендирајте. Истурете ја содржината во калап и добро притиснете. Калапот со бисквитите ставете го во поголема тава и ставете вода до половина. Печете во загреана рерна на 160°C околу 10 минути. Оставете да се излади. Чоколадото растопете го на пареа, а во сад изматете го крем сирењето, солта, шеќерот и ванилата. Додадете ја слатката павлака и продолжете со матење. На крајот додадете го какаото и повторно соединете со миксер. Постепено додавајте ги јајцата и матете по секое додавање. На крај истурете го стопеното чоколадо и измешајте. Прелијте го филот врз кората и израмнете, па вратете во рерна. Дното на тавата завиткајте го со алуминиумска фолија, а потоа истурете вода во поголемата тава и ставете ја помалата внатре. Печете уште 55-60 минути. Исклучете ја рерната, отворете ја малку вратата и оставете го колачот да се излади еден час. Извадете го од калапот и оставете да се излади преку ноќ. Растопете го чоколадото со павлаката и путерот, па премачкајте одозгора. Оставете да се стегне неколку минути. Добар апетит!
