Потребно:
За кората:
- 6 јајца
- 6 лажици шеќер
- 6 лажици брашно
За филот:
- 200мл слатка павлака
- 200гр бело чоколадо
- 1 лажица инстант кафе
- 100гр путер
- 50гр шеќер во прав
За глазурата:
- 150гр црно или млечно чоколадо
- 4 лажици зејтин
Подготовка: Изматете цврст снег од беликите. Жолчките посебно изматете ги со шеќерот. Полека додавајте го брашното, а потоа внимателно во тоа додадете ги белките, полека рачно мешајќи. Тавчето за печење обложете го со хартија за печење, ставете ја смесата и печете ја кората на 180 степени. Уште додека е топла, врз кората ставете влажна крпа и свиткајте во ролат. Слатката павлака ставете ја во тенџере и тргнете ја од оган пред да зоврие. Веднаш додадете го кафето и белото чоколадо и мешајте додека не се стопи. Оставете да се олади. Посебно изматете го путерот со шеќерот во прав, а потоа сединете ги со кремот од слатка павлака. Матете неколку минути. Одвиткајте ја кората и намачкајте ја со филот и повторно свиткајте во ролат. Премачкајте го ролатот со чоколадната глазура, која ќе ја подготвите така што на пареа ќе го стопите чоколадото со маслото, а кога ќе се олади ќе го премачкате ролатот.
