Потребно:
- 1 кг јаболка
- 600 г шеќер
Подготовка: Измијте ги јаболката, отстранете ги семките и исечкајте ги на коцки или поголеми парчиња. Ставете ги во сад за печење или длабок плех и наросете со шеќер. Промешајте за рамномерно да се распореди шеќерот, а потоа оставете 15 минути за јаболката да го испуштат сокот. Ставете во рерна загреана на 180°C и печете околу 30 минути, додека јаболката не омекнат. Намалете ја температурата на 150°C и продолжете со печење уште 1,5–2 часа, мешајќи повремено. Кога џемот ќе стане густ и темен, со боја на цреша, извадете го од рерна и изгмечете го по желба (со рачен миксер или вилушка). Истурете го топлиот џем во стерилни тегли, затворете ги и свртете ги наопаку за добро да се затворат. Добар апетит!
