Денес се смета за национално јадење на Израел, а се сервира и во ресторани насекаде во светот, но и на улиците на многу градови. Често се наоѓа на менито на вегетаријанците, а многу едноставно се подготвува.
Фалафел се всушност пржени топчиња од леблебија или грав. Често се послужува во леб, наречен пита, во лепиња или тортиља. Освен тоа, фалафелот може да се послужи и во салата, во сендвич или може да биде како посебно јадење, односно како прилог. Одлично се комбинира со разни сосови, јогурти или сирења.
Како се прави фалафел?
Фалафел од леблебија најчесто се прави со конзервиран наут или леблебија, кој претходно е сварен. Може да се направи и од непечена леблебија која е потребно да се остави во вода преку ноќ, а наутро треба да се исцеди и да се исуши. Во двата случаи, леблебијата се става во блендер и се меша се додека не се добие соодветна текстура која наликува на паста. Вака подготвената смеса може да се чува во фрижидер два дена.
Потребно:
- 1 конзерва наут
- 2 чешниња лук
- 1 млад кромид
- 2 лажици исечкан свеж магдонос
- 3 блажици брашно
- Може да се додаде и мала лажичка прашок за печиво
- 1 лажичка сок од лимон
- 1 лажичка коријандер или копар
- Малку сол и црн бибер
Подготовка: Избленидраната леблебија се меша со зачините и сите останати состојки Откако ќе се добие потребната структура се прават топчиња кои се валкаат во лебни трошки и потоа се пржат во масло.
Фалафелот може да се подготви и во рерна, која е претходно загреана на 200 степени во тавче претходно премачкано со малку масло за јадење. Во текот на печењето треба да се свртат топчињата за рамномерно да се испечат фалафелот е готов кога ќе поприми златна боја, по околу 20 минути.
