Потребно:
- 500гр брашно
- 300мл топло млеко
- 1 лажица свинска маст
- 7гр сув квасец
- 1 лажица шеќер
- ½ лажица сол
Подготовка: Измешајте ги брашното со солта, а потоа додадете го квасецот, шеќерот и мокрите состојки. Се убаво измешајте. Месете 10 минути додека не добиете меко и мазно тесто. Ставете го тестото во намастен сад и оставете го еден час да отстои на топло место, за да нарасне. Тавчето во кое ќе го печете лебот, обложете го со хартија за печење. Тестото од садот префрлете го на хартијата за печење и лесно обликувајте го, без премногу мешање. Ако сакате, тестото може да премесите 2-3 минути, а потоа пред печење, да го оставите да отстои уште најмалку 20 минути на топло. Лебот печете го во претходно загреана рерна на 200 степени, околу 45 минути. Добар апетит!
