Потребно:
- 370 мл вода
- 7 гр квасец
- 1 лажица шеќер
- 350 гр брашно
- 120 гр овесни снегулки
- 2 лажици семки од тиква
- 2 лажици ленено семе
- 2 лажици сусам
- 1/2 лажичка сол
Подготовка: Прво измешајте ги брашното, овесните снегулки, семките од тиква, ленот и сусамот, солта и шеќерот, како и квасецот. Во сето тоа додадете вода и измешајте. Со рака замесете тесто во садот. Потоа покријте го со најлонска фолија и оставете го да отстои 1 час. Потоа префрлете го на хартија за печење и повторно замесете го во форма на леб и оставете го да нарасне уште еден час. Потоа само префрлете го со хартија за печење во длабока тава за печење и печете на 180 степени околу 35 минути. Извадете го од рерна, префрлете го на даска и исечете. Добар апетит!
