Потребно:
Состојки (за една мала тегла):
- 300 г зрели кајсии (без семки)
- 4 лажици јаворов сируп
- Сок од половина лимон
- 4 зрна каранфилче или 1/2 лажичка мелени каранфилчиња
- 100 г несолен путер
Подготовка: Измијте ги и исчистете ги кајсиите, а потоа исечете ги на помали парчиња. Ставете ги во тенџере со јаворов сируп, сок од лимон и каранфилче. Гответе на тивок оган 10-15 минути додека овошјето не омекне. Отстранете ги каранфилчињата ако сте користеле цели каранфилчиња. Измешајте го овошјето во мазно пире со миксер или во блендер. Вратете на оган, додадете го путерот и мешајте додека не се растопи и не се соедини со овошјето. Гответе уште неколку минути. Истурете во стерилизирана тегла и оставете да се олади. Чувајте го во фрижидер и консумирајте во рок од 7-10 дена. Добар апетит!
