Потребно:
- 375гр брашно
- 15гр свеж квасец
- 5 гр сол
- ½ лажиќка шеќер
- 100мл топла вода
- Маслиново масло
- Ароматични билки (оригано, мајчина душица, рузмарин)
- Крупна сол
Подготовка: Свежиот квасец измешајте го со малку топла вода. Во сад ставете го брашното, шеќерот и солта. Во средина направете вдлабнување и во него додадете го квасецот со вода и замесете тесто. Додадете 2-3 капки маслиново масло за да го олесните правењето тесто. Тестото ставете го на работна побршина и продолжете да месите 10-12 минути. Вратете го тестото во садот, покријте со крпа или пластична фолија и оставете да го удвои волуменот, околу еден час. Тавчето за печење премачкајте го со масло, свртете го тестото, нежно развлечете го по тавчето без гмечење, намачкајте со масло и оставете да одмори половина час. Загрејте ја рерната на највисока температура, повторно свртете го тестото и со прсти формирајте мали вдлабнувања. Оставете тестото да отстои уште десет минути, додадете уште малку масло и наросете одозгора со крупната сол и избраните билки. Печете 5 минути, па потоа малку намалете ја температурата на рерната и печете уште 15 минути или додека не видите дека тестото е со златно-кафена боја. По вадење од рерна, премачкајте со уште малку маслиново масло и уживајте во вкусот.
