Потребно:
За тестото:
- 600 грама брашно
- 20 милилитри масло
- 1 лажичка сол
- 450 милилитри млака вода
За филот:
- 300 грама свеж, ситно сечкан спанаќ
- 350 грама сирење
- 6 јајца
Подготовка: Тестото прво се замесува и се дели на четири дела, а потоа се остава да отстои. Секој дел се расукува со сукало, а потоа дополнително се растегнува со рацете додека не стане многу тенко. Првата кора се превиткува од левата и десната страна кон средината, се премачкува со масло и се полни со подготвениот фил. Потоа се превиткува за да се затвори. Истата постапка се повторува и со другите кори, кои потоа се ставаат на плех за печење. Се пече на 170 степени, додека не порумени. Добар апетит!
