Потребно:
- 100 гр леќа
- 30 гр семки од сончоглед
- 100 гр кромид исечен на коцки
- 2 чешниња лук, ситно сечкани
- 3/4 лажичка ѓумбир, рендан
- 1 1/2 лажици маслиново масло
- 1 1/2 лажички кари во прав
Подготовка: Леќата измијте ја и исцедете ја, ставете ја во тенџере и прелијте ја со вода колку да ја покрие. Оставете да зоврие, а потоа намалете ја топлината и динствувајте, непокриено, додека леќата не омекне, околу 20 минути. Исцедете и оставете на страна. Во меѓувреме, загрејте го маслиновото масло во тенџере на средна топлина. Пропржете ги кромидот, лукот, ѓумбирот и карито во прав 6-8 минути, мешајќи од време на време. Оставете настрана. Во блендер ставете ја леќата, семките од сончоглед и смесата со кромидот. Неколку пати измиксирајте во блендер за да се измешаат состојките и станат како паста. Префрлете ја паштетата во сад и ставете ја во фрижидер 1 до 2 часа. Послужете и уживајте. Добар апетит!
