Потребно:
- 100 мл маслиново масло
- 200 гр пченкарно или брашно од елда
- Една банана
- Половина јаболка
Подготовка: Јаболката и бананата иситнете до форма на каша, а маслиновото масло ставете го во фрижидер да отстои еден час за да добие цврста форма за полесно да се замеси во тестото. Кога маслото ја добило потребната густина во него додадете го брашното, а потоа и пирето од овошје. Не претерувајте со брашно ако сакате бисквитите да ви останат воздушести и меки. Поради слаткоста на бананата, нема да има потреба од додавање шеќер. Кога ќе го замесите тестото, оставете го во фрижидер да стои околу половина час. Потоа развлечете го, и вадете форми со калап по желба. Во зависност од дебелината на биксвитите, потребно е да се печат 15-20 минути на 180 степени. Кога ќе почнат да добиваат боја на краевите,колачињата се готови за декорирање. Тука оставете да работи детската имагинација!
