РЕЦЕПТ НА ДЕНОТ: Домашни соленки со варено јајце и сирење

Кај овие соленки или погачици, сеедно, најдоброто е што брзо се подготвуваат, нема чекање тестото да нарасне, веднаш се печат. Меки, вкусни и мирисни одлични се за секоја пригода. Може да се јадат топли или студени, а можат да отстојат неколку денови, ќе бидат меки како и првиот ден кога сте ги направиле.

Потребно:

  • 2 варени јајца
  • 200гр маргарин или путер
  • 150гр сирење
  • ½ лажичка сол
  • 200гр брашно
  • 2 кесички прашок за печиво
  • Сусам
  • 1 јајце за премачкување

Подготовка: Изрендајте ги јајцата и измешајте ги со путерот или маргаринот и сирењето. Додадете ги брашното, солта и прашокот за печиво. Замесете тесто и со сукало развлечете кора, па со мала чашка или модла вадете ги соленките. Може да исечете и стапчиња. Премачкајте ги соленките со јајце, наросете сусам и печете на 220 степени, околу 20-25 минути.

ПОВРЗАНИ НАПИСИПОВЕЌЕ ОД АВТОРОТ