Потребно:
За тестото:
- 200гр брашно
- 2 лажици шеќер во прав
- ¼ лажичка сол
- 120гр ладен путер исечкан на листови
- 1 јајце
- 1 лажица студена вода
За кремот:
- 200гр маскарпоне
- 200мл павлака за шлаг
- 40гр шеќер во прав
- 1 ванилин шеќер
- 500гр свежи јагоди
Подготовка: Измешајте ги сувите состојки, брашното, солта, шеќерот и додадете го исечканиот путер, јајцето и водата и се заедно кусо измесете и завиткајте го во проѕирна пластична фолија и ставете го во фрижидер на најмалку еден час. Рерната загрејте ја на 190 степени. Тестото размесете го на набрашнета површина за да добиете кружна форма со големина од 30 сантиметри и префрлете го во калап, претходно намастен. Пред печете избоцкајте го со вилушка за да не се надуе. Печете 20 до 30 минути, додека не добие златна боја, може првите 15 минути да го печете покриен со алуминиумска фолија, па потоа да ја извадите за да се запече. Оставете комплетно да се олади. Во посебен сад изматете ја павлаката за шлаг, шеќерот во прав и ванилата, а потоа додадете го маскарпонето и изматете убаво. Врз тестото распоредете ја кремата и одозгора наредете ги исечканите јагоди. Оставете во фрижидер да е олади барем половина час.
