Потребно:
- 5 поголеми компири
- 250гр пилешко филе
- 100гр сланина
- 120гр кашкавал
- 50гр спанаќ
- 2 лажици кисела павлака
- ½ лажичка сенф
- 1 лажица мајонез
- 1 лажица масло
- Сол
- Бибер
За премачкување:
- 3 лажици масло
- ½ лажичка црвен пипер
- Сол и суви зачини
За прелив:
- 100мл пасиран домат
- 200мл вода
- 1 чешне лук
- Оригано
- Сол
Подготовка: Компирите излупете ги и исечете ги на половина. Издлабете ги со лажица. Намастете го тавчето, па наредете го компирот. Измешајте го маслото, црвениот пипер, солта, сувиот зачин и биберот и со тоа премачкајте ги компирите. Печете ги на 200 степени, околу половина час. Белото месо, сланината и спанаќот ситно исечкајте ги, а кашкавалот изрендајте го. Додадете ја павлаката, мајонезот, сенфот и маслото. Ставете сол и бибер и убаво се измешајте. Пасираниот домат измешјате го со водата, сечканиот лук, ориганото и солта. Полупечените компири наполнете ги со подготвената смеса и помеѓу компирите ставете од доматниот сос. Вратете во рерна на 180 степени уште 30 минути. По желба, 10 минути пред крај наросете со уште кашкавал и запечете.
