Потребно:
- 4 модри патлиџани
- 350гр мелено месо
- 1 кромид
- 2 големи лажици доматно пире
- 2 морков
- 1 пиперка
- 1 тиквичка
- 1 чешне лук
- 1 домат
- Масло за јадење
- Сол
- Бибер
Подготовка: Модрите патлиџани убаво измијте ги и исечете ги на половина. Секој од нив внимателно издлабете го и ставете го во тавчето во кое ќе го подготвувате јадењето. На страна, во тавче за пржење ставете го исечканиот кромид. Пропржете го 3-4 минути, па додадете го изренданиот морков и на коцки исчената пиперка. Оставете се заедно да се пржи 6-7 минути. Потоа додадете го меленото месо, лукчето и доматното пире. Зачинете по вкус со сол и бибер. Смесата нека се динствува на средна температура 10-15 минути, па додадете ја изренданата тиквичка за да добиете на густина. Оставете уште пет минути се да се соедини. Потоа, врз секој од модрите патлиџани ставете по малку масло за јадење. Со смесата полнете ги издлабените патлиџани. Покријте го јадењето со капак или со алуминумска фолија и ставете го да се пече во рерна половина час. Потоа извадете ја фолијата и оставете го уште 5 минути. Пред послужување, излупете го доматот, исечете го на помали коцки и ставете го врз патлиџаните.
