Потребно:
- 1 пакување розен коси од 8 листови
За филот:
- 310 мл вода
- 210 гр шеќер
- 1 ванилин шеќер
- 260 гр маргарин
- 160 гр чоколадо за готвење
- 160 гр кора од портокал + портокал
- 210 гр мелени ореви
- 210 гр мелен бисквити
За глазурата:
- 110 гр чоколадо за готвење
- 2 лажици масло
Подготовка: Во тенџере се ставаат водата, шеќерот, ванилиниот шеќер, маргаринот исечкан на парчиња и чоколадото искршено на коцки. Загрејте сè заедно на средна температура додека не зоврие. Намалете го малку огнот, па варете околу 5 минути. Тргнете од оган. Убаво измијте го портокалот, а потоа изрендајте ја кората и додадете ја во смесата. Потоа излупете го портокалот, раздвојте на кришки, ставете ги во блендер, изблендирајте го и додадете во филот. Со млак фил филувајте ги розен корите, освен последната. На секоја кора оди околу 4-5 лажици фил. Секој пат израмнете го филот со шпатула, а откако ќе ја ставите кората, нежно притиснете со прстите за да се залепи. Доколку е потребно, колачот можете да го оптоварите со тежина. Ставете ги јафа розен коцките во фрижидер пред ставање на глазурата, да се изладат о стегнат најмалку 2 часа или преку ноќ. За глазурата растопете ја чоколадата со масло на тивок оган и прелијте ја врз колачот. Вратете го колачот во фрижидер да се излади и да се стегне пред да сечење. Добар апетит!
