РЕЦЕПТ НА ДЕНОТ: Кељ со сланина

Ручек поради кои “ќе си ги излижете прстите“. Брзо се подготвува, а уште побрзо се јаде. Кељот во 2014 година е прогласен за најздрава намирница и се смета за суперхрана бидејќи е високо нутриивен зеленчук, богат со влакна, протеини, а малку калории и масти. Содржи висок процент на витамините А, Ц и К, фолна киселина, калциум, железо, магнезиум, фосфор, како и ниацин, тимаин и Б6 и Б12.

Потребно:

  • 1 главица кељ
  • 2 компира
  • 250гр сланина
  • 1-2 чешниња лук
  • 2 лажици маслиново масло

Подготовка: Кељот разделете го лист по лист и убаво измијте го. Извадете го средишниот тврд дел и исечете ги листовите на ленти. Во тенџере загрејте вода, која претходно сте ја посолиле и во која сте додале 1 лажица оцет. Исечакните листови ставете ги во водата што врие и оставете да омекнат 2-3 минути. Извадете ги со лажица решетка во друг сад. Во друго тенџере ставете го маслиното масло и исечканиот лук. Потоа додадете ја ситно исечканата сланина и оставете кратко да се пропржи. Додадете го омекнатиот кељ,компирот исечкан на коцки. Залијте со вода, колку да се покријат намирниците. Оставете на средна температура да се вари уште половина час.

ПОВРЗАНИ НАПИСИПОВЕЌЕ ОД АВТОРОТ