Потребно:
- 300 мл млеко
- 2 суви квасци
- 1,5 лажички шеќер
- 4 лажици сол
- 4 јајца
- Брашно, по потреба
- Путер, по потреба
- Mалку масло
- 250 гр кулен
- 300 гр сирење
Подготовка: Загрејте го млекото додека не се загрее и во него ставете малку шеќер и квасец. Промешајте и оставете 10-15 минути да нарасне. Во сад се матат две јајца и се додава квасецот кој е надојден, па постепено се додава брашното и солта. Тестото треба да биде меко. Измешајте го прво со лажица, а потоа со раце додека не добиете изедначена смеса. Тестото премачкајте го со масло и оставете го да отстои околу еден час. Кога тестото ќе нарасне, замесете го уште еднаш, па со сукало развлечете го, за да биде што потенко, околу 3 милиметри. Потоа растопете парче путер и премачкајте го тестото со путер. Потоа свиткајте го тестото и расукајте го по должина и ширина. Исечете триаголници од тестото и оставете ги да одморат 15 минути. Во меѓувреме направете го филот така што ќе ги измешате сирењето и сечканиот кулен. Со смесата наполнете го секој триаголник во средината и свиткајте го во кифличка, од поширокиот кон потесниот дел. Наредете ги во плех обложен со хартија за печење. Изматете две јајца и малку растопен путер и сол, па со него премачкајте ги кифличките, посипете ги со сусам. Печете ги во рерна загреана на 200 степени Ц 15 минути. Извадете ги, оставете малку да се оладат и уживајте. Добар апетит!
