Потребно:
- 2 јајца
- 135гр шеќер
- 100гр растопен путер
- 60мл масло
- 75мл млеко
- 1 лажичка екстракт од ванила
- 200гр пченично брашно
- ½ лажичка прашок за печиво
- Малку сол
- 250гр замрзнати бобинки по избор
Подготовка: Јајцата матете ги со шеќерот околу пет минути додека смесата не стане густа и светложолта. Во неа потоа додадете го растопениот путер, маслото, екстрактот од ванила и млекото и се заедно матете по минута помеѓу секое додавање на состојките. На крајот додадете малку сол, па малку по малку брашно и прашокот за печиво.
Овошјето треба да биде на половина одмрзнато, но не растопено да од него излегува сок. Овошјето измешајте го со шеќер, со количина по желба. Една четвртина од овошјето измешајте со лесни кружи движења во подготвеното тесто. Калапот обложете го со хартија за печење. Смесата излијте ја во калапот и печете 20 минути во претходно загреана рерна на 180 степени. Откако колачот е половина печен, остатокот од овошјте наредете го по површината на колачот, па лесно со лажица притиснете го овошјето во бисквитот. Печете уште 30 минути. Послужете го десертот наросен со шеќер во прав. Добар апетит!
