Потребно:
- 500гр мелено месо
- 1 главица помал кромид
- 1 чешне лук
- 1 јајце
- 5 лажици лебни трошки
- 1 мала лажичка црвен пипер
- 1/2 лажичка бибер
- Сол
- 1 лажица ситно сечкан магдонос
- 4 компири
- 2 пиперки
- 2 домати
За преливот:
- 100мл доматно пире
- 50мл вода
- 2 лажици зејтин
- 1/2 лажиче сол
- 1/2 лажиче бибер
Подготовка: Во меленото месо се додава јајцето, лебните трошки, ситно исечканиот кромид и лук, магдоносот и заедно со зачините се убаво се замесува како за ќофтиња. Потоа се лупат компирите и се сечат на тркалца, исто како и доматите и пиперките. Од месната смеса се формираат ќофтиња со големина како круговите компир. Се реди во округла тава, ќофте-компир-домат-пиперка, и се така во круг, додека не се наполни целото тавче. Доматното пире се разредува со водата, се додава зејтинот со зачините, убаво се промешува и се полева врз јадењето. Се пече на 200 степни, околу 50-60 минути. На здравје!
