Потребно:
- 1 јајце
- 180мл јогурт
- 3 лажици шеќер
- 1 ванилин шеќер
- 1 лажица ракија или рум
- Малку сол
- 200гр брашно
- ½ прашок за печиво
- 1 рендана јаболка
- 1 лажичка цимет
Подготовка: Јаболкото изрендајте го, посипете со една лажица шеќер и оставете да отстои околу 10 минути за да пушти вода. Потоа исцедете го со рацете. Јајцето, јогуртот, шеќерот, ванилиниот шеќер, ракијата, солта и циметот изматете ги со жица за матење. Додадете го исцеденото јаболко и измешајте. Потоа постепено додавајте го брашно и прашокот за пециво, цело време мешајќи со жица за да не се формираат грутки. Откако ќе го загреете маслото во длабока тава, земете по една мала лажичка во двете раце. Потопете ги лажичките во тенџерето со масло. Извадете од смесата со една кафена лажичка и држете ја над тавата додека со другата лажичка ја туркате смесата во маслото. Имајте на ум дека крофничките се шират поради топлината, затоа не пренатрупувајте ја тавата. Кога едната страна ќе порумени, со вилушка свртете ги на другата страна. Откако ќе бидат готови посипете ги со шеќер додека се уште топли и послужете ги. Добар апетит!
