Потребно:
- 2 лажици пченкарен скроб
- 0,25 лажици црвен пипер во прав
- 0,25 лажици сол
- 0,25 лажици лук во прав
- 0,25 лажици мелен црн пипер
- 0,25 лажици мелен бел пипер
- 0,25 лажици црн кромид во прав
- 0,25 лажици сушен оригано
- 0,25 лажици мајчина душица
- 1/2 лажичка ситна морска сол
- 1,5 кг пилешки крилца
За сосот:
- 4 лажици путер
- 1 лажица од смесата од споменатите зачини
- 1 лажица сечкан магдонос, за декорација
Поготовка: Прво подесете ги решетките на рерната така што едната решетка ќе биде во горниот центар, а другата во долниот центар. Загрејте ја рерната на 200 °C. Ставете ја решетката во плех за печење обложен со фолија или хартија за печење. Обилно премачкајте ја решетката со масло. Измешајте го пченкарниот скроб, зачините и солта во голем сад. Исушете ги пилешките крилца со хартиени крпи. Додадете ги во садот со смесата од пченкарен скроб и промешајте за да се премачкаат рамномерно. Наредете ги во еден слој на решетка во плехот. Печете на долната средна решетка 30 минути. Преместете ги крилцата на горната средна решетка и зголемете ја температурата на рерната на 220 °C. Печете уште 30 минути додека не поруменат, вртејќи го плехот на половина од печењето. Оставете ја рерната вклучена. Потоа подгответе го сосот. Додадете го путерот во мало тенџере на средна температура. Кога ќе се стопи, додадете 1 лажица од смесата од зачини и измешајте, само додека не замириса и не стане пенасто, 10 до 15 секунди. Тргнете од оган. Извадете ги крцкавите крилца од рерна, префрлете ги во голем сад, прелијте ги со сосот и промешајте за да се премачкаат рамномерно. Добар апетит!
