Потребно:
- 500 гр листови за лазања
За сосот болоњезе:
- 750 гр мелено месо
- 5 супени лажици маслиново масло
- 1 виолетов кромид
- 200 мл бело вино
- 500 мл пасирани домати
- 500 мл вода
- 1 лажичка сув босилек
- Сол
- Црн пипер
За бешамелот:
- 50 гр путер
- 4 лажици обично брашно
- 1 литар млеко
- Сол
Подготовка: Сечканиот кромид динствувајте го на масло, па додадете го месото и пржете додека не ја смени бојата на сите страни, по што ќе го додадете виното, доматите, малку вода и зачините. Оставете го сосот болоњезе да се готви 30 до 45 минути во полупоклопено тенџере на средна температура, со повремено мешање. Растопете го путерот, додадете го брашното и со мешање пржете околу една минута, па се додава топлото млеко и солта. Мешајте со жица за да не ви останат грутчиња, па кога ќе зоврие, исклучете го огнот. Во огноотпорен сад со димензии приближно 25 x 40 см ставете малку бешамел, па лист, па слој бешамел и болоњез, повторно лист за лазања, па бешамел и болоњез, додека не го ставите последниот лист. Одозгора треба да има само бешамел. По желба можете да наросите со рендан кашкавал или пармезан. Печете во рерна загреана на 200 °C 45 минути. Добар апетит!
