Потребно:
За палачинките:
- 2 шолји брашно
- 2 лажици шеќер
- 1 лажичка прашок за печиво
- Прстофат сол
- 2 јајца
- 2 шолји млеко
- 2 лажици путер (стопен)
- 1 лажичка ванилин шеќер
За филот:
- 250 гр крем сирење
- 1/4 чаша шеќер
- 1 лажичка екстракт од ванила
- 1 шолја свежи јагоди, малини, боровница (измиени, исчистени и исечкани)
- 1/2 шолја сечкан портокал, киви, ананас (овошје по желба)
Подготовка: Палачинки – Во поголем сад измешајте го брашното, шеќерот, прашокот за печиво и сол. Во посебен сад изматете ги јајцата, млекото, стопениот путер и ванилиниот шеќер. Полека додадете ги влажните состојки на сувите состојки и мешајте додека не добиете мазно тесто. Загрејте ја тавата на средна температура и додадете малку путер да се растопи. Со црпалка земајте од тестото и печете ги палачинките додека не го потрошите целиот материјал. Фил – Во сад изматете го крем сирењето, шеќерот и екстрактот од ванила додека не добиете изедначена смеса. Во филот додадете ги сечканите јагоди, малини… и избраното овошје и измешајте да се распоредат рамномерно. Редење на тортата – Тркалезен калап со рамка што се вади обложете го со палачинки, така што тие ќе поминат преку рамката. Редете слоеви – фил, па палачинки. Кога ќе стигнете до врвот, навнатре превиткајте ги палачинките што „висат“, така што ќе ја затворите тортата. Средината украсете ја со овошје и ставете ја во фрижидер добро да се излади, околу 2 часа. После тоа, извадете ја рамката и иечете на парчиња и послужете. Добар апетит!
